rondom

Mit dae Meli und dae Andrea goht´s rondom…!

So, juhui ez isch es endli sowiit, mir sind uf dae Weltreis und hoffed das da au so bliibt.

Agfangae haemmae im schoenae L.A, s´Gepaeck isch scho mol z´London bliebae, juhei…!

Jaenu, daefuer haet´s Omaunterhosae geh, diae sind XXL gross und so wiiss wiae Schnee.

Denn haemmer abgholt uesen Camper, Nai mir sind no lang kai Tramper!

Ez haemmer ueses ¨fahrbarae Dihai¨, da loht ues so schnell nuemae aellai!

Newport Beach isch uesen erschtae Halt gsi, d´Stars vo O.C. California sind leider noed cho verbii…

Wiiter isch aes denn noch San Diego gangae, doet simmer amaenae ganz schoenae Campingplatz bliibae hangae.

Dae Shamu haemmaer im Sea World bsuaecht, d´Elefantae und d´Giraffae haemmaer vergaeblich gsuaecht.

Diae haemmer daefuer am noegschtae Tag im San Diego Zoo troffae, und doet simmer zum erschtae mol gsi aes bitzli bsoffae… ! (gflunkeret)

Denn simmer aen Tag lang duraegroeschtaet, dae Pool am noegschtae Morgae in Lake hawasu City haet ues drueber waeg troeschtet.

Eigentli haemmer am noegschtae Tag wellae zum ¨Skywalk¨ go, aber huarae Siech diae Strossae do, mir choend diae Amis noed verstoh…!!!

S´haet andersch gholperet s´isch nuemae schoen gsi, dae Traum vom Skywalk isch gsi verbii…

Dae Grand Canyon haemmer mit aerae luschtigae Zugfahrt glich no gseh, und s´isch erscht no viel guenschtiger gsi, juhee!!

Dur´s Painted Desert simmer denn zum Lake Powell cho, det haemmer zerscht mol Chaeswuerschtli und aes Bier gno.

S´Blau vo dem See, so oeppis haemmer no niae gseh.

Im Monument Valley haemmer dae Marlboro Maa gsuecht, aber leider haemmer aen noed gfundae, verfluaecht!

Aber trotzdem gluecklich und froh, haemmer dae Waeg zum Arches natl. Park in Agriff gno.

Doet haemmer gseh sehr viel Boegae, und diae haemmer au ganz gern moegae.

Am noegschtae Tag haemmer oeppis voellig unerwartets gseh, da isch naemli gsi dae chalti Schnee!!!

Und dae Andrea loht´s kai Ruaeh, ¨Wieso choemed do 2 Schneefloeckli uf mich zuae…?¨

Bim Bryce Canyon haet´s dae Meli denn fascht oeppis geh, ¨Wieso isch mini Nasae gfrohrae ojeeminee…?¨

Hai isch da doet chalt gsi, zum Glueck haend mir immer uesen Schwarztee daebi.

Nai dae Park isch echt genial, d´Temperaturae daefuer katastrophal…

Denn simmer ueber dae Zion noch Vegas gangae, doet haemmer ues zerscht mol mitm Camper im Strip verfangae…!

Ufm Campingplatz glich no acho, haemmer zerscht mol aes Bud gno.

Denn simmer ab i´d Stadt, s´Landlaebae hammer satt.

S´Geld haemmer noed am einarmigae Bandit ueberloh, mir haend´s liaeber fuer d´Blue man groupe gno…

Sie haend fuer ues 2 sogar ae Usnahm gmacht, und haend gredt mit ues und glacht.

Im Death Valley haemmer ueber ues gseh kreisae d´Geier, wemmer Mannae waered hetaemer Angscht gha um uesi Eier…

S´Benzin isch ues au no fascht usgangae, nochdem ues haet d´Brems loh hangae…

Im Yosemite natl. Park haend´s ues schoe hangae loh, noed mol bim groeschtae Wsserfall haaend´s s´Wasser abaeloh.

Daefuer haemmer gseh ae entzueckendi ¨Mietzekatze¨, Sie haet extra fuer ues gmacht ae schoeni Fratze.

Tueuer isch dae Campingplatz gsi wiae d´Sau, choemed do aecht d´Baerae au?

Wiiter haend mir ues denn zum Lake Tahoe Verirrt, hai isch dae Receptionist gsi vewirrt… !

Wieso woend diae 2 Uslaenderinnae Wireless do, uf da abae haemmer gad no 2 Daiquiri´s gno.

Hai isch da aen schoenae See, so aes Blau haemmer erscht bim Lake Powell gseh.

San Francisco haet numae uf ues gwartet, drum simmer gad duraegstartet.

Cable Car fahrae isch mega luschtig, aber diae dickae Lueuet mached ues alles andaerae als gluschtig.

Uf Alcatraz s´Gfaengnis, isch ues noed wordae zum Verhaengnis…!

Sie haend ues wieder usaeloh, uf da haemmer doch grad no ae Margherita gno.

Bi dae Chinesae im Chinatown haemmer nu Bahnhof verstandae, ihren Wortschatz isch bi ues halt noed vorhandae…

Am Pier 39 bi dae Seeloiae haets gstunkae, do haet ues gad wieder ae Margherita gwunkae.

Dae Coittower und Twin Peaks sind au dae hammer gsi, doch leider isch de Trip z´San Francisco scho bald wieder verbii…

D´Golden Gate Bridge haemmae eh jedae Tag ueberquert, do haemmer ues kai bitzli drueber beschwert.

Ez goemmer denn no zu dae 49ers go Football luaegae, git´s aecht doet au schoeni Buebae…?