rondom

In Hanoi (Vietnam) hend mir aen Klimaschock erlitte. 15 Grad, Regae und Nebel. Mit so oepis hend mir fruehschtens i dae Schwiiz graechnet! …brrrrrrrr…! Trotzdem hend mir aen Usflug nach Halong Bay gmacht. Isch no meh chalt gsi, aber gorgeous! 2 Taeg isch sSchiff ueses di Hei gsi und mir hend ae atemberaubendi Hoehli bsuecht. Die haet uebersetzt Hoehli vo dae Ueberraschige gheisse! Zum Glueck chan ae Klimaalag au heize-Tee aellei haet ues noed warm ghalte.

Vo Hanoi sind mir miteme Bettaebus (Pfusibus ) i 2 Taeg nach Saigon duest. Mol, spezielli Erfahrig gsi. Mir hend so viel vo dae Landschaft vo Vietnam choenne bestuune-pretty amazing!

In Saigon sind mir uf dae Spure vom Chrieg gsi. Very interesting-tough stuff. Isch ues aso raecht noech gange, all die Bilder, Ziitigsbricht, Erchlaerige,… Wiiter sind mir in Palace vo dae Reunion. DBeschriebig Jamesbondfilm us dae 60er Johr trifft perfekt druf zue !

Zur Abwechlsig mol mit mae …Bus… sind mir nach Phnom Penh (Cambodia). Dae Mr. Ya-uesen TukTuk Driver-haet ues die Stadt und dGschicht vo Kambodscha noecher brocht. Au das isch mega interessant gsi! Vo dett sind mir mitaem Speedboat nach Siem Reap gspeedet ! Wie die einte vo eu wuessed: DIE Tempelstadt schlaechthin! Drum hend mir am druffolgendae Tag ae Tempeltour by TukTuk gmacht. Naaaaaaaiiiiiii, au jetzt sind mir weder Tempel-, no Reise-, no Foetlimued. Mir choends selber chum glaube! Vo dette sind mir do ane -Koh Chang-gange.

Koh Chang. Mir fuehled ues wie 2 Prinzessine. Sunne, Strand, Liegestuehl, Bungalow, zMorgebuffet, Himmelbett, … Uiuiui, big excitement. Eifach nomol so richtig gnuesse und ues mit aem Heigoh usenandsetzae. Do sind mir jetzt also. Morn fahred mir nach Hongkong…aehhh…nei, denk Bangkok (I lerns glaub nie!!). Da waers denn aso gsi.

Schlusswort:

Hochverehrti Leserinne und Leser

In 70 Stunde setzed mir nach 6 Monet reise wieder Fuess uf schwiizer Bode.

A daerae Stell moechted mir ues bi uesere treue Leserschaft vo Herzae bedankae. Mir hend ues immer wieder ueber Kommentaer, SMS, Email und Nochrichte uf Facebook gfreut. Aes isch schoen zgspuere becho, dass mae so wiit waeg vo dae heimat isch und gliich so viel a eim denkt wird. Jetzt freued mir ues so richtig, all uesi Liebschte wieder in Natura zgseh! Und natuerlich langsam wieder in Alltagstrott inezcho.

Hajo, und viellicht hani dAndrea no laenger a dae Baggae !

Bis sehr fescht bald i dae Schwiiz

Eui treuergebene, gruenteesuechtige Autore, Hauptdarsteller und Fotografe

Andrea und Melanie

Abspann:

Fuer alli, wos interessiert: mir hend so dSchnauze voll vonenand, mir striitted fangs jede Tag und sind soooooooooooooooooo froh, endli mol wieder normal denkendi und redendi Mensche um ues zha!!

Und jetzt no dWohrheit: i dem ganze halbe Johr sind mir 2x2Stunde vonenad trennt gsi-und beidesmol isch aes ues vorcho, als ob ues oepis faehlt. Isch das noed aes schoens Fazit?

AdAd, we will be back!

The End. Done.

Bangkok

Floating Market

Ayutthaya

Chiang Mai

Treking Tour

Ueses Schlofhuus, Duschi und WC

So gseht aes Bamboo-Raft us!

Chiang Mai

Traditionells Aesse mit Unterhaltig

Luang Prabang in Laos

Hanoi

Ha Long Bay

Ueses floating di Hei

UNESCO World Herritage

Ae cheibe Woehli i daere Hoehli

Vorbereitig fuer d´Schwiiz- brrrrrrrrrrrrrrrrrrrr…!

Sa Bai Dii

Stelled eu da vor, sogar in Laos hends Internet! Und da mir uf dae FLug muend warte hend mir denkt, mir gaebed nomol aes Lebenszeichae. Und wa fuer eis !

Wiae ihr jo wuessed, sind mir ueber Singapore nach Bangkok gfloge. Nei, noed Hongkong. Au wenn d’Melanie das immer wieder behauptet… In Singapore hend mir d’Nacht im FLughafe vobrocht. Ui, isch das luschtig gsi! Nach Terminalhopping sind mir usem Tuefschlof (oder so…wenn mae da so nennae chan uf dennae harte Liegene) grisse worde: 3 jungi Manne in Uniform hend uesen Pass und Boardingpass woelle gseh! Nach mae Churztrip dur die ach so schoeni Stadt simmer schowieder im Flugi ghocket.

Bangkok. Wunderschoen. Uff, mir hend gmeint, Thailand seg schoen?!?!?!?! MIr hend a 2 Taeg eifach Usflueg gmacht zu 3 Tempel, Royal Palace, Floating Market, Snake Farm, Crocodile Show, Elephante Show,… Isch ok gsi, aber noed so dae Boerner. Und s’Aesse vo dae Stross-naja, haet ues noed so umghaue und agmacht… Zum Glueck hend mir denn am Sunntig dae Zug nach Ayutthaya gno. Dae netti TukTuk-Fahrer haet ues denn au grad uf Tempeltour gno. Boaaahh… Vo do a haet’s ues immer besser gfalle. Die Tempel und Ruine sind absolut umwerfend! Mir sind au jetzt nonoed mued zum unzaehligi Pictures knippse! S’gseht alles us jedem Eggae eifach wieder anderscht und schoen us! Und au s’Aesse isch do viel meh besser!

Am Maentig sind mir denn wiiteri 10 Stund mit aem Train nach Chiang Mai ghoetterlet. Und denn doette dae Empfang:” Hoi, Du bisch sichr d’Andrea!?” Mir hend drum aes schwiizer Guesthouse buechet ! Hai, isch das schoen do. Und sooooooooooooo guenschtig! Und sogar d’Raucherstaebli schmoecked fein und passed perfekt! Voller Elan sind mir zu dae noegschte Tempel. Und mit mae TukTuk zunere Siidefarm und Schirm-Malerei. Phu, ganz schoeni Sache hend die do-nu leider noed so eifach zum transportiere. Aso hend mir’s nume uf ues wiirke loh. Hou !

Am noegschte Tag haet ues scho dae JayJay abgholt. Dae Schlitzi-Tourguide, wo ues und 8 andri Touris zu Wasserfaell und Hilltribes mitgnoh haet. Aber z’erscht sind mir am Dumbo sim Mami uf dae Rugge ghocket. Drus cho? Jo, richtig, Elephante-Riite! Hui, isch das aen Spass gsi! Klein Dumbo und sis Mami (mit ues ufem Rugge) hend sogar lostrompetet-toerroehhh! Und scho isch aes 3 Stund z’Fuess dae Hill uf ines abglegnigs Bergdorf (Hilltribe). Mit Natelempfang. Und Chipsli. Und Bier. Und und und. Und joeh, d’Andrea isch vo dae Chind heiss gliebt worde! Oeb sie jetzt Tierli mit Hei bringt ? Nachem super feine Thai Curry sind mir uf d’Bambusmatte go probiere pfuse. So ab aem 4i hend die x-tuusig Gueggel alles geh.

Nach 2 Stund wieder dae Hill ab isch White Water Rafting ufem Plan gstande. Naja, mir wuerded da Schluchboetle uf dae Thur nennae. Defuer isch s’Bamboorafting gad aschluessend kuhl gsi! Im Wasser sitze und triibe loh! Und da waer’s schowieder gsi! Hai, isch das Bett am Obig bequem gsi!

Dae Friitig hend mir eifach no chli in Chiang Mai und sine Tempel vobrocht, bevor mir am Obig in Usgang sind. Neeei, noed so Usgang. Traditionelles Kantoke Dinner und asiatischi Taenz. oooooohhhhhhhh…mai, isch das schoen gsi. Super Aesse, gediegeni Atmosphaere, typischi Taenz,… So wiae mae’s sich vorstellt!

Am Samschtig isch s’grosse Abentuer losgange. Mir hend ues uf dae Waeg nach Laos gmacht. Mit Mini Van ad’Grenze und doett imene Loch uebernachte. Mit aem boetli sind mir am Morge frueh ueber dae Mekong nach Houay Xai (Laos). Buerokratie und Arroganz!!!!!!!!!! Aber sie hend ues ineloh. Uff. Eigentli hetted mir jo soelle s’Slowboat neh. Aber nach dere angschtiifloessende Speach vo dem Halsabschnieder hend mir ues fuer dae 6h-Trip mit aem mini Van nach Luang Prabang entschiede. Nach 12h sind mir denn au mitte i dae Nacht do acho. Im Nochhinein simmer echt froh, hend mir ues fuer da entschiede. Dur das hend mir unzaehligi uf Staecke baute Doerfli gseh und d’Landschaft isch so sicher beiidruckender gsi!

Luang Prabang. S’erscht Mol, wo mir vomene Wasserfall hin und weg gsi sind!  Au d’Tempel sind immerno u schoen und dae Nightmarket haet jetzt ae paar Schal weniger ! Aes u herzigs, gmuetlichs, franzoesisch aghuchts Staedtli mit no besserem Aesse!

Do waered mir jetzt aso! Mittlerwiile sind mir au viel schlauer (=misstrauisch) und handled was das Zeug haelt ! Und nei, mir sind immernonig reisemued! Mir hend no 3 Wuche-und die werded nomol so richtig gnosse!

Die noegscht Wuche werded mir in Vietnam sii und denn nomol ae Wuche in Cambodia, bevor’s zum Erhole uf Ko Chang an Strand goht 8-) !

Kop Chai Lai Lai fuer’s geduldige Laese! Und noed vogaesse: gnuesseds noh, i 3 Wuche hend ihr ues wieder a dae Bagge! Mir choend all no bloed schnorre !

Liebi Gruess vo dae 2 i Siide-Wulle-Bast-Batik-Voliebte sich-selber-findende esoterisch-aghuchte-Rastafaris

mir hend gliich no ae chliini Ergaenzig…

Swiss Chicken and Duncan the Diveinstructor

Fraser Island – Ships’s Wreck

Tour Group…

COOL! MIr uebed fliessig d’Tauchzeiche bim Greyhound fahre !

Ok, die Fotene bringed mir noed is Netz. Do ae uswahl vo de Fotene vo dae Eastcoast…

Andrea und Willie

Do i look like a cucumber?!?

WHitsunday Islands – uesi kuhl Truppe!

Mir sind immerno am uebe! Nei, d’Andrea isch noed gschrumpft!

I believe i can fly – mir am skydive!

In voller Tauchmontur. Im Hintergrund ueses schwimmende di Hei

Hello again!

Unglaublich aber wohr, mir hend wiedermol Ziit und ae Flaeschae Rotwii ;o)!

Fanged mir mol a bi Kangaroo Island. Lang isch’s her! Am morge frueh sind mir vomene usgflippte, schraege Typ vorem Hostel abgholt worde. Mir hend ues gfrogt: Egal welli Droge dass er nimmt, sie moend luschtig sii.. Guet, goemmer mit dae Ferry uf d’Insle! Erschte Halt isch aen uu schoene Beach gsi-nu bitz frisch zum Baedele! Nachem Mittag simmer zum noegschte Beach go Cricket spiele. Hai, hend mir 2 beiidruckt ! Natuerlich hend mir au d’remarkable Rocks gseh. Und hey: Dae Levy haet sich als Glueckstreffer entpuppt! Aen super Guide, voll motiviert, luschtig, mitriessend,… S’haet mega Spass gmacht! Au dae noegscht Tag isch vollpackt mit Highlights gsi. Unter anderem Seals (Robbe) beobachte, Sandboarde, Bodyboardae, plantschae und leider schowieder Hei goh. Au die ganz Truppe isch voll genial gsi. Und sowieso: d’Insle isch eimal meh atemberaubend schoen!

Nachere churze Nacht isch aes am noegschte Tag ENDLI losgange is Outback. Uf das hend mir ues jo scho soooo lang gfreut! MIt vo dae Partie isch au d’Nadine gsi, wo mir uf dae letschte Tour kenneglernt hend. So isch ueses 3er-Team entstande. Und da haet eifach perfekt passt! Am erschte Tag hend mir (eimal meh) ae Wiitour gmacht bevor mir Flinder’s Rangers National Park gfahre sind. Doett hend mir am 2te Tag grad ae Morgewanderig gmacht. Easy aber u schoen! Wiiter gohts. Nacher simmer nume gfahre bis irgendwo is nirgenwo. Dette hend mir ae anderi stieri Truppe troffe. Und mir hend dett gmerkt, dass uesi Truppe und uesi Guide echt unschlagbar sind! Am Morge vom 3te Tag sind mir voll i dae Pampa mit dae Bikes umedueset. So geil, aber laeck sind die Velo gemeingfoehrlich gsi… Nach viel Fahre dur typisches Outback sind mir in Coober Pedy acho. Dett sind mir underground go Opal schuerfe und am Nami im Pool umeghanget. Dae hend mir inere Karaoke Bar vobrocht. Mir choend jetzt sehr guet Hotel California singe! Und scho isch dae Uluru ufem Programm gstande. Erscht Mal Sunset, denn Sunrise und eimol RONDOM! Mol da isch booaahh gsi. Mir sind eimal meh mittendrin statt nur dabei! Haet ues sehr guet gfalle. Aber aes chunnt no besser! Kata Tjuta (Olgas) isch vo dae Wanderig her no iidruecklicher gsi! Ihr werdeds scho gli uf dae Fotene gseh! Und glei nomol Uluru bi Sunset. Au am letschte Tag haets gheisse frueh us dae Faedere – nachdem mir eimal meh i Swags (Outdoorpenntuete) pfuset hend underem Sternehimmel – zum King’s Canyon. Hai, ues chan mae immerno beiidrucke. Und mir sind immernonig mued vom viele Foetele! S’goht no meh!!! Mir sind immer am 4i uf, will mit 43 Grad waer’s Laufe dae Tag dur unertraeglich. Ououou, mir werded i dae Schwiiz nie meh ueber Fluege flueche. Dank aem Netzli sind mir noed ganz wahnsinnig worde. Was, jetzt isch da scho vobii?!?! In Alice Springs hend mir no aen Abschiedsobig gha mit allne und uesi 3er Truppe isch no is Bojangles. Glatti Sach. S’Abschied neh isch ues sehr sehr schwer gfalle.

Vo dett sind mir uf Cairns gfloge. SIt do werded uesi Schwimmflosse immer groesser. Am erschte Tag in Cairns sind mir grad zum Great Barrier Reef. Dive and Snorkel Tour. Sprich Andrea dive and Melanie snorkel Tour. I fuer min Teil ha dae Bisi i dae Hose gha. D’ Andrea isch defuer vom Julian super instruiert worde und isch abtaucht. Doett haet sie dae Nemo gseh (ich au!!), dae Willi (aen riesige Fisch) und Seegurke und vieli andri Tierli. Die Tour isch eimol meh luschtig gsi. Irgendwie hend mir dae Summersprosse Bonus und hends mit dae Crew immer u luschtig… Am Obig hend mir erfahre, dass uesen Bus noed fahrt, will alles ueberfluetet isch. Ok, bueched mir halt aen Flug. Und wa fuer eine. Am Sunntig sind mir nach Brisbane und vo doett nach Hamilton Island (vor Airlie Beach) gfloge. Oder besser gseit hend mir woelle. Bis Brisbane isch alles guet gange. Nocher simmer waehrend dae Landig uf Hamilton 2 Mol duregstartet und wieder zruck uf Brisbane. Anstatt aem Gepaeck hend mir nomol aen Boardingpass becho und sind eimol meh Richtig Hamilton Island gstartet. Damal isch aes wenigschtens uf Ahieb gange-aber d’Ferry zum Mainland isch weg gsi. Klar, isch jo au scho 8.00pm gsi! Resultat: Mir schlofed mit mae duetsche Paerli und aem Flo (merked eu dae Name) imene $260 5-Sterne Hotel-Zimmer. Geil ! Am noegschte Tag hend mir die erscht Ferry gno, schliesslich haet die noegscht Tour uf ues gwartet! Wings 2 Dive and Sailing Tour haet ues zu dae Whitsunday Islands mitgno. S’haet scho gtuet agfange: Dae Kristian (1.Diveinstructor) haet mi innerhalb vonere Minute ueberzuegt, dass i gliich dive wott. Ok, denn halt. Immerno im Regae isch aes denn sowiit gsi. Aber die Enttueschig, mir hend dae Duncan (2.Diveinstructor) vowuetscht. Aber au er isch aen Glueckstreffer gsi. Mit guet zueredae haet er d’Andrea vom warte underem Wasser erloest. Nach x-Vosuech hanis au no abe gschafft. Und los isch’s gange. Nachdem d’Andrea under Wasser dae ChickenDance (Mc Donalds-PizzaHut Song) agrisse haet hend mir sooo aen Stei im Brett gha! Am 2te Tag sind mir z’erscht an White Haven Beach und hend dett bi Sunneschii (!!!!!!!!!!!) Fotosession gha. Und mir hend aen Baby Shark gseh! Wieder zruck ufem Boot simmer zum noegschte Divespot. Damal hend mir dae Duncan woelle, hend aber dae Kristian becho. Ok. No problem, er haet ues ganz viel Koralle zeigt und alange loh. Am Obig sind mir simmer nu go schnorchle, haet aber au Spass gmacht. Und schowieder aen letschte Tag. Am Morgefrueh hetted mr soelle dive. Mae haet aber nuet gseh, drum simmer schnell wieder ufem Boot gsi. Leider simmer schowieder mit gsetztae Saegel zum Mainland zruck. Sniff… Wenigschtens hend mir am Obig nachem shoppe d’Truppe und dae Duncan namal gseh. Um Mitternacht hend mir mit aem Flo (remember?) uf dae Greyhound Bus nach Hervey Bay gwartet. Nach 2h (!!!!) hend mir ae Hostel gsuecht. Eimol meh mitem Flo. Mir 2 imene 1er Kajuete-Bettli.

Zum Glueck hend mir grad am noegschte Morge dae Bus choenne neh. Nach 14h Fahrt sind mir am Morge am 2.00 do acho. Schliessli haet eimol meh die noegscht Tour uf ues gwartet! Nach 4h Schlof sind mir abgholt worde fuer 2 Taeg Fraser Island. Bei Pisswetter. Aber mir sind ues a dae Eastcoast nuet anders gwoehnt. Oje, damal hend mir ae komischi Truppe, aen schiefe Guide, vosch… Wetter. Immerhin isch s’Aesse dae Hammer! Gseh hend mir noed wuerkli viel. MIr sind doett gsi und scho schoen. Aber bi schoen Wetter muens dae Burner sii! Naja: Been ther, done that, tick! Im Lake Mc Kenzie haet sich uesi Gruppe doch no als luschtig entpuppt!

Do simmer jetzt aso. Und hoffed dass trotz Wet-Season dae Greyhound nach Brisbane fahrt! i 3 Taeg flueged mir schliesslich scho nach Singapore! No chli meh als 5 Wuche und mir stoend schowieder uf dae Matte!

Mir sind so froh hend mir so geili Tourae gha. D’Ziit in Australie hend mir mega gnosse und vieli kuhli Luet kenneglernt! Und nei, mir sind immernonig reisemued! Mir freued ues mega uf South-East Asia!

Vo Down Under wuensched mir eu! Viellicht isch das dae letscht IItrag bis mir Hei choemed. Fuer alli, wo am 26. Maerz ues woend cho abhole: mir choemed so um die halb 12 in Klote aa… ! Wenn alles guet lauft meldet mir ues vorher namal. Aber mae weiss jo niae.

Wer hat an der Uhr gedreht, ist es wirklich schon so spaet. Schade, dass es sein muss ist fuer heute wirklich Schluss?

Heute ist nicht aller Tage, wir kommen wieder, keine Frage! Doch fuer Heut ist wirklich Schluss!

Eues Kaenguru und Koala

Liebi Stubehocker!

Churz aes Laebenszeiche vo Down Under! Nei, mir hend nuet mit aem Fuertuefel z´tue im Suede und mir sind grad de Fluet im Norde entcho. Mir sitzed ez grad imene 5 Sterne Hotel fescht uf Hamilton Island, aber morn gohts uf Whitsunday Island Segeltour!

Meh gits sobald mir mol meh Ziit hend…

Aber mir sind gsund und munter, im Outback sind mir allne Tierli entcho und hend ae Superziit gha!

X O X O X

Eues Zuendhoelzli und euen Regestab (Andrea und Meli)

Liebi Frosties!

Jo, bi ues isch schoen warm. 27 Grad in Adelaide. Und was mached mir? Mir hocked dinne und schriebed eu. S’letscht Mol fuer die noegschte 2 Wuche. Nei, mir goend noed zruck uf Fiji aber au do im Outback werded mir kei Internet finde. Geschweige denn Mobilfunknetz. Drum wundered eu noed, dass ihr nuent ghoered, falls ihr oeppis vo ues wuesse woend… !

Aber z’erscht nomol zruck uf Sydney. Am Friitig hend mir 2 Local Guides gha. D’DEE wo mir vo Fiji kennt hend und ihri Kollegin hend ues dae Bondi Beach zeiget und ues mit in australische Usgang gno. Aen Gmuetliche mit feinem Aesse, Kino und SCHOGGI! We love Max Brenner!

Dae Samschtig hemmer im Olympia Parc vobrocht-da gaeb aes geils Turnfescht dette-und d’Nacht duere simmer mit mae Car uf Melbourne gfahre worde.

Melbourne. Natuerlich hend mir alli Touri Puenkt abklapperet. Queen Victoria Market, Rod Laver Arena, Docklands, St. Kilda, Southbank, Fedsquare, Rialto Tower, City Circle Tram und und und. Mae glaubts chum: do isch aes no schoener wae in Sydney!

Denn, am Samschtig. Endli wieder aes fahrbars di Hei. Nu mir zwei. Ein Campervan. Ae absoluti Schiessi. Kei Servolenkig (d’Andrea haet jetzt wieder Oberarmmuskle!), stinkt, isch luut (mir hend ues bim Fahre nu no agschraue-nei, noed gstritte, mir hend ues nu noed ghoert!), d’Melanie weiss bis huet noed wie abschluesse, s’Bett isch hart, am Morge lauft er noed aa und d’Bremse quietsched, mae ghoert ues scho 2 Doerfer vorher. Churzgfasst: ae baari Katastrophe. Ae raechti Shit Bin!!! Defuer hend ues no nie so viel Luet gwunke. Jo liebi Eltere: mir sind unbeschadet in Adelaide acho. Mir choends selber chum glaube!

Guet, mit dem Traktor sind mir quer durch Melbourne as AAMI Classics Final. Dett hemmer grad zerscht d’Carolyn kenneglernt. Uesen rettende Aengel, sie zeigt ues nochem Spiel Campingplaetz-aber meh dodezue nacher. Huiuiui, vorem Finalspiel sind dae Roger und dae Stan gad vor uesere Nase dure-mer hetteds fascht beruehrt! Ui, big excitement ! S’Finalspiel isch denn ae churzi Sach gsi-dae Roger haet i guet 55 Minute gwunnae-aber hei mir hend zerscht as anderae Endi vo dae Welt muesae zum di beschtae zwei Schwizer spielae z’gseh… Denn hemmer ae Autogramm vom Stan ergatteret und dae Roger eifach namal vo noechem bestuunet. Hend ihr gwuesst, dass d’Mirka abgnoh haet?!? Mir hend sie fascht nuem kennt !  No voellig usem Huesli hend mir d’Carolyn gsuecht. Voluuter Mitleid haet sie ues grad zu sich Hei zum schlofe iiglade! Da Agebot hend mir noed choenne usschloh! Zur Feier des Tages haet sie grad aen Schaempis knalle loh! Und uesi Woesch gwaesche. Und z’Nacht cho loh. Und aen Wii ufgmacht. Und als ob’s noed gnueg waer haet ues eri bescht Fruendin grad auno fuer dae noegscht Tag zum Barbeque iiglade. …boah, mir hend sie nuno mit grosse Auge aglueget…so lieb…so net…da git’s doch gar noed…mit wa hend mir da vodient…

Dae Sunntig und s’BBQ sind absolut kuhl gsi. Z’erscht ae Bootstour, denn Apero, z’Nacht und eifach s’Zaemaesii mitere grosse Local Family haet ues super gfallae. Dae Tag werded mir nueme vergaesse.

Schweren Herzens hend mir ues vo dae Carolyn voabschiedet und sind Richtig Great Ocean Road gfahre. Bim erschtae Halt in Angelsea haet d’Andrea ihri erschte Surfvosuech gstartet. Chapeau, gad gstande. 2 Stundlang. Bruunbroennt und Freudestrahlend isch sie mitem Brett underem Arm usem gschwebt ! Und wiiter gohts. Am Mittwuch sind mir scho dae 12 Apostels begegnet. Moll, die sind no nett, die gfalled ues no. Im Ernscht? Amazing, awesome,…s’git noed gnueg Wort defuer und au noed fuer d’Great Ocean Road. Au nach 4 Moenet Reise chas ues no d’Sprooch voschloh. Und fuer all die wo ues guet kenned: Ihr wuessed, dass da oeppis heisst!

Jo, dae Raescht hend mir mit fahre vobrocht. Will’s ues fascht furtgluftet haet sind mir au meh oder weniger dureghoetterlet. Bis zum Wildlife Parc. Bloed, mir hend dae Rucksack i dae Shit Bin vogaessae. Suscht waered mir jetzt stolzi Bsitzerinne vomene echte kuschelige Koala. So hend mir ues moesse begnuege, ihm s’Fudi z’streichle. Dae isch voll flauschig! Jooooooeeeeehhhhhh… Und jessess, sind die langsam ! Aber so herzig… Mit dae Kaengurus haets au funny Pictures geh-die sind naemli au uu herzig und hend ues sogar us dae Hand gfraessae! Ae wiiters Highlight uf uesere Aussie-Tour. Und wa fuer eis!!! We love Tierli!

Nachdem mir endli uesi Shit Bin abgeh hend choend mir saegae, dass mir’s gschafft hend: Kein Unfall oder irgendaen Schade mit gmietete Fahrzueg. Und da isch oepe aes Vehikel gsi! Phu-Mami’s, do sind ihr sicher au erliechteret. Mir au.

Dae Rescht sind nu no organisierti Tourae. Morn gohts is Barrossa Valley go australischi Wii probiere, denn 2 Taeg uf Kangaroo Island bevor’s fuer 8 Taeg is Outback nach Alice Springs goht. Mir freued ues mega!

Bis zum noegschte Mol gnuessed dae Schnee und Hoehesunne! Oder freued eu ab uesne Bilder !

Schweisstriebendi Gruess

Surfergirl Andrea und Koalabaerli Melanie

Uesi 2 Stadtfuehrerinne vo Sydney

Olympic Parc in Sydney

Melbourne

AAMI Classics Final: Roger vs. Stan! Hopp Schwiiz

Sekt oder Selters?

2 Promis? Nei, 2 Aengel!

BBQ with Locals

Surfergirl Andrea-do no im Trochnae und nonoed bim Wellaeriite

Great Ocean Road

Joooeehh… Toerfed mir so eine Hei bringe? Biiitteeee…

Au bi de Kaengurus gits Machos!

Wottsch du oeppis vo mir?

Und wa woettsch du vo mir?!?

Toerfed mir vorstellae? Uesi “Shit Bin”!

Mir fassed Fiji churz zaemae…

Insle wo mir bsuecht hend: 6

Stunde IM Meer: 30

Stunde AM Strand: 20

Stunde i dae Hammock: 14

Taeg wo mir barfuess gsi sind: 14

Glaesni Buecher: JE 5

Neui Facebook-Fruende: 8

neui Lachfalte: oepe eini meh… (Ship-Baauu)

Bula Taenz: 7

Kava: 8 low-tide

Hangover: 1 – defuer aen zuenftige

Sunnebraend: 0 (SSF50 sei Dank!)

Vom Laebe in Fiji mit Ameisli, Echse, Sand im Bett (und a anderne vosteckte Ort) sind mir am 05. Januar zruck id Grossstadt. jo hoppla, Menschae, Autos und Abgas, Asphalt, Schueh,… Mir hend ues grad chli moesse umgwoehne. Aber: We love Sydney! Ueses erschte Ziel isch natuerlich grad d´Opera gsi. Hend ihr gwuesst, dass sie anstatt 3 ganzi 16 Johr dran gschafft hend? Und anstatt 7´000´000 gschlagni 102 Millione Dollar investiert hend? Mir sind dae Meinig, es het sich definitiv glohnt! Boah ey…

Nachem z´Nacht simmer mit mae Paerli vo Schwedae – wo mir in Fiji kenneglernt hend – ueber d´Harbour Bridge gloffe. Nei, die Skyline isch noed beiidruckend. Sie isch atemberaubend!

Am Mittwuch simmer Tschutschu-Train id Blue Mountains gfahre. Dett hemmer ae Hop On/ Hop Off Tour zu dae Three Sisters gmacht. Anstatt dass mir am Obig eu gschriebe hend hemmer 2 Schwiizer troffe. Jo huiuiui, do wimmlets ase vo Schwiizer, do muend mir wieder ufpasse, was mir saeged !

Manly isch au ganz schoen. Vor allem d´Shopping-Stross, wenn s´Wetter noed schoen isch. Die Erfahrig hemmer gescht gmacht. Schad, aber mir goend morn viellicht nomol. Nei, noed go shoppe, an Strand!

Huet treffed mir no ae anders neus Gspaenli vo Fiji, wo do lebt. Sie zeigt ues Bondi Beach und nimmt ues zumene Gig mit. Morn heissts schowieder abschied neh und ab dur d´nacht nach Melbourne. Rotscher, mir choemed

Liebe Daheimgebliebenen, da Johr choemed mir schowieder Hei! Aber vorher hemmer no viiiiel z´gseh! Mir hoffed, ihr hend no kei Froschtbuehle!?! Ihr gsehnd, ues goht´s all no praechtig, mir hend ues au nach de Haelfti immerno gern!

Mit ae paar Sunnestrahle vo Down – Under wuensched mir eu ae gsaegnets Wuchenend. Amen.

Eui 2 Olympia-Stadt-Harbour Bridge-Opera House-bsuechendi-Ferry-fahrendi-Strand-liegendi-Mohrechoepfli

Andrea & Melanie