meli
04.10.2008

Mir sind acho!

Amerika, jetzt haesch ues am Hals :-) !

Nochdem mir ues vo uesnae Allerliaebschtae verabschiedet hend, hend mir ues uf dae Waeg zu uesem super Flugi gmacht. Zerrscht 1h 50′ noch London und denn noch churzem Guinesshalt witeri 11h noch L.A. Leider haets sehr viel quengelndi Gofae (Sorry liaebi Eltere) gha und de Flug isch recht astrengend gsi.

Und als oeb das noed scho gnueg gsi waer isch ueses Gepaeck in London bliebe… Daefuer hend mir denn scho de erst Promi gseh, dLindsay Lohan…

So Sind mir denn ohni Gepaeck is Hilton chauffiert worde. Det haemmer denn halt Omaunterhose kauft, tja wenigsens da hets gha…

Nochere churzae Nacht simmer uesen Camper go holae. 2h instruktion und denn muesch eifach Gas geh, OK da hemmer gmacht und sind nomel an Flughafe, witeri 2 h uf ueses Gepaeck go warte.

Nochdem mirs denn endli uebercho hend haemmer im groesste Firobigverchehr mit em Camper d’City durquert… Puh, da isch ues ae Lehr gsi! Scheiss L.A. Daefuer haemmer scho sHollywood Zeichae gseh… :-)

Noch 10h verdientae Stund schlof simmer uf Newport Beach gfahre. Leider haemmer niemert vo O.C. California troffae. Aber isch glich u schoen gsi. Noch witere 2h 1/2 fahre simmer denn in San Diego acho. Aso do gfallts ues doch gad viel viel besser. Aen schoenae Campingplatz, netti Nochbere und eifach s’Lebe chli gnuesse.

Mir haend ues denn huet no is Old town gwogt und do isch es echt mega schoen.

Zum Glueck heand mir ez noch 1h sueche doch no aes Internetkafi gfundae zum eu chli brichte… mir haend aber leider sehr sehr wenig Zit drum mues es ez schnell goh… Die noechste drue Taeg bliebed mir ez chli do und lueged ues dae Free Willy (dmeli haet umbedingt wellae das i da schrieb) a und natuerli no vieles meh…

Da uesi zit ez denn gad abgloffae isch (bzw. ues dae Kafipurscht userueert) lieferet mir eu dfoeteli noegscht wuche mol no.

Aber ues gohts ussert chli Jet Lag sehr guet. Mir freued ues immer vo eu zghoerae (Kommentare do inae) nur leider choemmer noed immer alles Pronto beantwortae…

Bis zum noegschtae mol.

Hebeds guet.

Eui 2 Globetrotter

Meli und Andrea

  • 7 Kommentare
  • USA

7 Kommentare zu “Mir sind acho!”

  1. # marliesam 04.10.2008 um 16:28

    Hallo Ihr 2 Globetrotter !
    Wir haben Euren Bericht gelesen.Danke!
    Andrea pass gut auf Melanie auf.Du bist schliesslich 11 Tage älter.Viel Vergnügen wünschen Euch
    Mami, Papi und Manfred

  2. # Loosli Beaam 05.10.2008 um 14:47

    Hey ihr Zwei!

    Ich ha fest a eu dänkt am Mittwoch und es isch schö vo eu zläsä!
    Da mit em Gepäck isch sicher mega nervig gsi doch dass ihr gsund über dä grossi Teich cho sind isch d`Hauptsach.
    Wäg dä quängälige Chind do fühl i mich als Eltere überhaupt nöd agriffe. Ich verstoh eu voll und ganz und wür so en lange Flug sowieso nie mit chline Chind mache da für mich selber znervig!
    I wünsch eu witerhin viel Spass und freu mi wieder vo eu zläsä!

    Lieäbi Grüäss Bea

  3. # Anita und Röbiam 05.10.2008 um 20:50

    Hoi Zäme
    Ville Dank für Eue Bricht! Ihr sind so wit ewäg aber dur Eui Brichterstattig sind mir enand doch nöch und sind uf em Laufende was bi Eu so abgoht! Danke und mir freued eus natürlich au no uf d’Fotene.
    Also, bi Euere Fahrt mit em Camper dur L.A. wäred mir doch gern Müsli gsi zum Eu zwei chönne über d’Schulter luege, wie’n ihr die Fahrt meischtered. Aber da händ Ihr ja super gmacht und jetzt wüssed Ihr wies gaht!
    Mir wünsched Eu viel Vergnüege und e mega interessanti Reis dur das Kalifornie! Gueti Fahrt, hebed Sorg und mir freued eus uf de nächschti Bricht!
    Liebi Grüess vo diehei, Mam und Paps

  4. # Nadiaam 06.10.2008 um 13:38

    hallo ihr zwei!

    isch spannend gsi eure bricht zläse…. da freuemer eus uf wiiteri und wänns im gb scho nünt zläse git so wenigschtens uf eurem blog :-)
    ich wünsch eu mit eurem camper (wo ihr sicher scho rächt im griff händ) gueti fahrt durs ami land
    liebi grüess und take care nadia

  5. # Meretam 07.10.2008 um 11:01

    Hey Mädels!
    Cool, scho vo öich z’läse. Sit der über Heathrow gfloge? Dert isch mis Gepäck o blibe, won i uf Sydney bi, isch mega müehsam. Heit der nid son es geils Overnight Kit übercho vor Flugsgseuschaft? I mim het’s dinne gha: Es Paar Qantas-Boxershorts, es Qantas-T-Shirt, es paar Socke, Duschmittel, Deo, Zahnbürstli, Zahnpasta. Hihi =) Guet, dir heit derfür itz Omaunterhose, das isch doch o öppis ;-)
    Häbet Sorg zu öich u gniesset’s!!!!
    Dicke Schmatz,
    Meret

  6. # corneam 07.10.2008 um 18:25

    halt chli we di alt fasnacht hinedrii, no e wortmäldig us de innerschwiiz;-)
    we isch au gange am flughafe? hend er eui fingerprints au müse geh und den nett id kamera lächle, noch em so astrengede flug?hihihi!
    i bin scho gspannt wenen pfiilboge uf eue nögscht bricht, und hoff dass euem camper nünt passiert…mer weiss jo nie, die amis fahred amix…
    glg

  7. # Sara, Reto und Saschaam 07.10.2008 um 23:23

    Hallo ihr 2. Jetz händ au mir no eui Site endlich gfunde und chönd eus melde. Ja da isch ja super sind ihr heil acho, denn schliesslich dörf me vo dä Amis im Moment nöd so viel erwarte. Stelled eu vor dFlüger wäred so tüüf gfloge wie Aktienkürs im Moment sind! Ich glaub da sind eu die paar Quengelis no glich. Und zuedem gwöhnt meh sich mit dä Ziit a das chaibe, bl…, d….. Geschrei. Ihr gsehnd mir sind zur Ziit au chli greizt denn ich glaub dä Sascha vermisst eu scho, so schlecht wie er jetzt i dä Nächt schlaft.
    Dä Bricht isch übrigens super. Nu wiiter so flissig berichte. Ich stuhne zwar, häsch no s10 Fingersystem güebt, Andrea? Oder hät eu dä Kafipurscht usegschmisse well ihr so lang brucht händ?? :-)
    Nei, würkli toll, mir freued üs uf dFotene.
    ganz liebi Grüess vom Zürisee